वृत्तसंस्था/ ख्राईस्टचर्च
आगामी बांगलादेश दौऱयासाठी घोषित करण्यात आलेल्या न्यूझीलंड क्रिकेट संघामध्ये शेवटच्या क्षणी फलंदाज ऍलनच्या जागी वेगवान गोलंदाज मॅट हेन्रीचा समावेश करण्यात आल्याची माहिती क्रिकेट न्यूझीलंडच्या प्रवक्त्याने दिली.
न्यूझीलंडचा फलंदाज ऍलन याला कोरोनाची बाधा झाली होती. सध्या तो क्वॉरंटाईनमध्ये असल्याने तो या दौऱयासाठी उपलब्ध राहण्याची शक्यता कमी असल्याने त्याच्या जागी वेगवान गोलंदाज मॅट हेन्री याला संघात स्थान देण्यात आले आहे. मात्र या दौऱयासाठी ऍलनचा न्यूझीलंड संघात समावेश राहिल पण डॉक्टरांच्या निर्णयानंतरच त्याला या दौऱयावर घेऊन जाण्यासंदर्भात विचार केला जाईल, असे क्रिकेट न्यूझीलंडच्या प्रवक्त्याने सांगितले. न्यूझीलंडचा संघ सोमवारी ढाका येथे दाखल होणार आहे. बांगलादेश आणि न्यूझीलंड यांच्यात पाच सामन्याची टी-20 मालिका 1 सप्टेंबरपासून सुरू होईल.