मुंबई \ ऑनलाईन टीम
केंद्रीय मंत्रिमंडळ विस्तारात प्रीतम मुंडे यांना मंत्रीपद न मिळाल्यानं भाजप नेत्या पंकजा मुंडे नाराज असल्याची गेल्या काही दिवसांपासून चर्चा आहे. तसंच ओबीसी आरक्षणाच्या बैठकीतही त्या गैरहजर होत्या. त्यानंतर भाजपचे प्रदेशाध्यक्ष चंद्रकांत पाटील यांनी आज पंकजा मुंडे यांची भेट घेतली. त्यांमुळे पंकडा मुंडे यांची नाराजी दूर करण्याचा प्रयत्न भाजपकडून सुरु असल्याची चर्चा राजकीय वर्तुळात रंगली आहे. वरळीतील गोपीनाथ मुंडे प्रतिष्ठानच्या कार्यालयात मंगळवारी संध्याकाळी ही भेट झाली आहे.
या भेटीविषयी चंद्रकांत पाटील म्हणाले की, एकाच पक्षातील दोन नेत्यांची भेट होणं स्वाभाविक आहे. यात वेगळं असं काहीच नाही. त्याचबरोबर ही भेट गुप्त नाही तर उघडपणे सर्वांसमोर झाली. त्यामुळेच या भेटीचे फोटो कालपासून सोशल मीडियावर पाहायला मिळत आहे. आम्ही दोघे भेटलो यात बातमी काय? अशी प्रतिक्रिया चंद्रकांत पाटील यांनी पंकजा मुंडे यांच्यासोबत झालेल्या भेटीनंतर दिली आहे.
पंकजा मुंडे यांनी केंद्रीय मंत्रिमंडळ विस्तारानंतर पत्रकार परिषद घेतली होती. यावेळी त्यांनी मोदी-शाह-नड्डा हेच आपले नेते असल्याचं म्हटलं होतं. “माझ्याविषयी मागील दोन तीन दिवसात जी विधान केली गेली ती मी लिहून ठेवली आहेत. त्यामध्ये भाजपातील कोणत्याही नेत्याने नकारात्मक भाष्य केलेलं नाही. पण काही नेत्यांनी असं विधानं केली की पक्षाने काय दिलं, हे पंकजा मुंडेंनी लक्षात ठेवावं आणि ते विधान त्या नेत्यांकडून वारंवार केलं गेलं. माझं इतकंच म्हणणं आहे की पक्षाने मला जे दिलंय ते मी लक्षात ठेवेन, पण मलाच दिलं नाही. अनेकांना दिलंय. मग सतत का बोलून दाखवलं जातं”, असं पंकजा म्हणाल्या होत्या. त्यावर आपण मोदी, शाह, नड्डा यांचं नाव घेतलं, मग देवेंद्र फडणवीसांचं का नाही घेतलं? असा प्रश्न पंकजा मुंडे यांना विचारण्यात आला होता. “मी राष्ट्रीय स्तरावर काम करते आहे. महाराष्ट्रात पक्षाच्या कोणत्याच पदावर नाही. माझे नेते राष्ट्रीय स्तरावरच आहेत”, असं पंकजांनी म्हटलं होतं.
Previous Articleनागठाणे बंधारा पाण्याखाली
Next Article लोकसभा आणि राज्यसभेचे कामकाज 2 वाजेपर्यंत तहकूब
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.