मुंबई/प्रतिनिधी
अलीकडेच पंतप्रधान मोदींच्या नेतृत्वाखाली झालेल्या केंद्रीय मंत्रिमंडळ विस्तारात खासदार प्रीतम मुंडे यांना डावलून डॉ. भागवत कराड यांना मंत्री म्हणून साधी देण्यात आली. खासदार प्रीतम मुंडे यांना मंत्रिपद न मिळाल्याने नाराज होत्या पण त्यांनी मेळवा घेऊन आपण नाराज नसल्याचे सांगितले होते. पण माजी मंत्री पंकजा मुंडे यांनी अखेर नवे केंद्रीय मंत्री डॉ. भागवत कराड यांचा सत्कार केला. पंकजा मुंडे यांनी दिल्ली दौऱ्यादरम्यान त्यांनी भागवत कराड यांचा सत्कार केल्याचा फोटो समोर आला आहे.
प्रीतम मुंडे यांना डावलून भागवत कराड यांना मंत्रिपद मिळाल्यानं पंकजा समर्थकांनी नाराजी व्यक्त केली होती. यावेळी पंकजा मुंडे यांच्या समर्थकांनी त्यांच्या वरळी इथल्या निवासस्थानी धाव घेत योग्य निर्णय घेण्यासाठी दबाव आणला होता. पण मुंबईत मुंडे समर्थकांचा छोटेखानी मेळावा घेत आपली भूमिका स्पष्ट केली होती.
पंकजा यांनी केंद्रीय मंत्री भागवत कराड यांची भेट वारंवार टाळल्याची चर्चा होती. मात्र कालच्या कार्यक्रमात पंकजा मुंडेंच्या हस्तेच भागवत कराड यांचा सत्कार करण्यात आला.