ऑनलाईन टीम / टोकियो :
टोकियो ऑलिम्पिकमध्ये भारताचा कुस्तीपटू बजरंग पुनियाने 65 किलो वजन गटात इराणच्या मोर्तेझा घियासी याला चितपट करत उपांत्यफेरी गाठली. या सामन्यात सुरुवातीपासूनच मोर्तेझाने आघाडी घेत भारतीयांचा श्वास रोखून धरला होता. मोर्तेझा शेवटच्या तीन मिनिटांतही आक्रमक होता. मात्र, काही क्षणातच पुनियाने मोर्तेझाला चितपट करत उपांत्यफेरीत धडक मारली. आज दुपारी 65 किलो वजनी गटाची उपांत्यफेरी होणार आहे.