ऑनलाईन टीम / नवी दिल्ली
दिल्ली पोलीसांनी बिहारचे एलजेपी खासदार प्रिन्स राज यांच्याविरोधात कॅनॉट प्लेस पोलीस ठाण्यात गुन्हा दाखल केला आहे. तक्रारीत एलजेपीचे नेते चिराग पासवान यांचेही नाव आहे. चुलतभाऊ प्रिन्सविरोधी कारवाई टाळण्यासाठी कट रचल्याचा आरोप चिराग पासवान यांच्यावर केला आहे. याबद्दल दिल्ली पोलीसांनी 9 सप्टेंबर रोजी गुन्हा नोंदवला आहे.
तक्रारीत पीडितेने आरोप केला आहे की, तीचा अश्लील व्हिडिओ बनवला गेला आहे. याच व्हिडिओला व्हायरल करण्याची धमकी देण्यात आली होती. तसेच तक्रार न करण्यासाठी धमकी देत दबाव टाकण्यात आला.
खासदार प्रिन्स राज यांनी फेटाळले आरोप
खासदार प्रिन्स राज यांनी ट्वीत केले असून “माझ्याविरोधात केलेले सर्व दावे खोटे, बनावट आहेत. आणि माझ्या प्रतिष्ठेला धोका पोहोचवून माझ्यावर व्यावसायिक आणि वैयक्तिकरित्या दबाव आणण्यासाठी हा एक मोठ्या गुन्हेगारी षडयंत्राचा भाग आहे. असे ही त्यांनी म्हटले आहे.