प्रतिनिधी/ पणजी
पणजी पोलिसस्थानकावरील हल्ला प्रकरणी सादर झालेल्या आरोपपत्रावर कनिष्ठ न्यायालयात सुनावणी व्हावी की सदर आरोपपत्र रद्द करण्यात यावे, यावर वादी तसेच प्रतिवाद्यांनी मांडलेली बाजू ऐकून घेऊन गोव्यातील मुंबई उच्च न्यायालयाने निकाल राखून ठेवला आहे.
पणजीचे आमदार बाबूश मोन्सेरात, पत्नी महसूलमंत्री जेनिफर मोन्सेरात व इतर 28 जणांविरुद्ध सी. बी. आय. ने कनिष्ठ न्यायालयात आरोपपत्र सादर केले होते. सदर आरोपपत्र रद्द करण्यात यावे व सर्वांना दोषमुक्त करण्यात यावे अशी याचना करून उच्च न्यायालयात सादर करण्यात आलेल्या याचिकेवर सुनावणी पूर्ण होऊन न्यायालयाने निवाडा राखून ठेवला आहे.