बेंगळूर
औषध क्षेत्रातील कंपनी बायोकॉनच्या चौथ्या तिमाहीचा निकाल नुकताच प्रसिद्ध झाला असून तो कंपनीला खूपच दिलासा देणारा ठरला आहे. मार्चला संपलेल्या तिमाहीत बायोकॉनला 254 कोटी रुपयांचा निव्वळ नफा झाला आहे.
सदरचा नफा 105 टक्के इतका वाढला आहे. मागच्या आर्थिक वर्षात समान कालावधीत कंपनीने 123 कोटी रुपयांचा निव्वळ नफा नोंदवला होता. एकत्रित महसूल 26 टक्के इतका वाढला असल्याचे दिसून आले आहे. 2020-21 आर्थिक वर्षात चौथ्या तिमाहीत एकत्रित महसूल 2 हजार 44 कोटी रुपयांचा नोंदला गेला आहे. जो मागच्या वर्षी समान कालावधीत 1 हजार 621 कोटी रुपये होता. बायोकॉन लिमिटेड ही देशातील आघाडीवरची बायोफार्मास्युटीकल कंपनी आहे. या बातमीनंतर शेअर बाजारात कंपनीचा समभाग 394 भावावर उच्चतम स्तरावर पोहचला होता.