बेंगळूर/प्रतिनिधी
बेंगळूर हिंसाचाराच्या पार्श्वभूमीवर कर्नाटक विधानसभेतील विरोधी पक्षनेते सिद्धरामय्या यांनी बुधवारी डीजे हळ्ळी पोलिस स्टेशन आणि पुलकेशनगरचे आमदार अखंड श्रीनिवास मूर्ती यांच्या कावळ बायरसंद्रा येथील निवासस्थानाला भेट दिली. यावेळी त्यांनी झालेल्या परिस्थीचा आढावा घेतला.
सोशल मीडियावरील निंदनीय टिप्पणी पोस्ट केल्यानंतर पूर्व बेंगळूरमध्ये हिंसाचार झाल्याची बातमी समोर आली होती. सिद्धरामय्या यांनी भेटीदरम्यान, पोलीस उपायुक्त (पूर्व) शरणाप्पा एस. डी. यांचीही भेट घेत सुरु असलेल्या चौकशीच्या प्रगतीचा तपशील जाणून घेतला.