प्रतिनिधी /मडगाव
कोविड महामारीमुळे बंद झालेले इयत्ता 9वी आणि 10वीचे शैक्षणिक वर्ग काल सोमवार 18 पासून सुरू करण्यात आले. वर्ग सुरू झाल्यामुळे पालक व शिक्षकांमध्ये उत्साह दिसत होता. सरकारची मार्गदर्शक तत्त्वे पाळूनच वर्ग सुरू करण्यात आले आहेत. एवढे दिवस ऑनलाईन पद्धतीने सुरू असलेल्या परीक्षा आता ऑफलाइन पद्धतीने घेण्यात आल्या.
नेहमीप्रमाणे शाळेच्या प्रार्थनेने वर्गाची सुरुवात करण्यात आली. बहुसंख्य पालकांचा लवकरात लवकर शाळा सुरू व्हावी असा आग्रह होता. पूर्ववत नववी- दहावीचे वर्ग सुरू झाल्यामुळे पालकांनी व ग्रामस्थांनी आनंद व्यक्त केला. खूप दिवसांनी मित्र मैत्रिणी भेटल्यामुळे मुलांच्या चेहऱयावर आनंद ओसंडून वाहत होता.