वृत्तसंस्था/ रिनेस
एटीपी टूरवरील येथे सुरू असलेल्या पुरूषांच्या आंतरराष्ट्रीय चॅलेंजर टेनिस स्पर्धेत सोमवारी ब्रिटनच्या अँडी मरेने एकेरीत विजयी सलामी देताना जर्मनीच्या मॅडेनचा पराभव केला.
सोमवारी या स्पर्धेतील झालेल्या पुरूष एकेरीच्या पहिल्या सामन्यात मरेने जर्मनीच्या यानिक मॅडेनचा 6-3, 6-1 असा पराभव करत पुढील फेरी गाठली. नुकत्याच झालेल्या अमेरिकन ग्रॅण्ड स्लॅम टेनिस स्पर्धेत अँडी मरेचे आव्हान पहिल्याच फेरीत समाप्त झाले होते. मरेने आपल्या वैयक्तिक टेनिस कारकीर्दीत दोनवेळा विंबल्डन ग्रॅण्ड स्लॅम स्पर्धा जिंकली आहे. 2012 साली मरेने तीन प्रमुख स्पर्धां जिंकल्या होत्या.