तालुक्यात बाधितांचा आकडा ४१ वर पोहचला; १४ जण बरे होऊन घरी परतले
कुर्डुवाडी/प्रतिनिधी
माढा तालुक्यात परिस्थिती वरचेवर बिकट होत चालली आहे. शुक्रवारी सकाळी आणखी ५ रुग्ण कोरोनाबाधित झाले असल्याची माहिती तालुका वैद्यकीय अधिकारी डाॅ.प्रशांत पलंगे यांनी दिली.
माढा तालुक्यात शुक्रवारी भोसरे (जिजाऊनगर) येथील दोन, चिंचगाव येथील एक, रिधोरे येथील एक व सापटणे टे येथील १ रुग्ण कोरोनाबाधित झाले आहेत. भोसरे येथील वाढत्या रुग्ण संख्येमुळे भोसरेबरोबरच कुर्डुवाडीचीही चिंता वाढली आहे. तालुक्यात आतापर्यंत ४१ रुग्ण कोरोनाबाधित झाले असून तिघांचा यापूर्वी मृत्यू झाला असून १४ जण बरे होऊन घरी परतले आहेत. उर्वरित २४ जण कोविड सेंटरमध्ये उपचार घेत आहेत.