वृत्तसंस्था / पॅरिस
2022 साली होणाऱया फिफाच्या विश्वकरंडक फुटबॉल स्पर्धेसाठीच्या युरोपियन पात्रता स्पर्धेतील उर्वरित सामन्यांमध्ये आता व्हिडिओ असिस्टेड रेफरिंग (व्हीएआर) पद्धतीचा वापर केला जाईल, अशी घोषणा युफाच्या अधिकाऱयांनी गुरुवारी केली.
2022 च्या विश्वकरंडक फुटबॉल स्पर्धेसाठी सुरू असलेल्या पहिल्या तीन फेऱयातील सामन्यांमध्ये व्हीएआरचा वापर करण्यात आला नव्हता. आता पात्र फेरीची ही स्पर्धा पुन्हा सप्टेंबरमध्ये पुढे सुरू केली जाईल त्यावेळी, व्हीएआर या नव्या सुविधेचा उपयोग केला जाणार आहे. कोरोना महामारीमुळे पात्र फेरीतील काही सामने लांबणीवर टाकण्यात आले होते. आता इंग्लंड, स्पेन, जर्मनी, इटली आणि फ्रान्समध्ये होणाऱया प्रमुख पाच युरोपियन लीग स्पर्धेमध्ये तसेच चॅम्पियन्स लीग स्पर्धेतही व्हीएआरचा वापर केला जाणार आहे.