सना
येमेनच्या सैन्यतळामधील एका मशिदीवर झालेल्या क्षेपणास्त्र तसेच ड्रोन हल्ल्यात 80 सैनिकांचा मृत्यू झाला आहे. मारिब येथे झालेल्या या हल्ल्यासाठी इराणचे समर्थनप्राप्त हुती बंडखोरांना जबाबदार ठरविले जात आहे. तर येमेन सरकारला सौदी अरेबियाच्या नेतृत्वाखालील सैन्य आघाडीचा पाठिंबा आहे. मध्यपूर्वेत तणावाचे वातावरण असताना हा हल्ला झाला आहे. अमेरिकेच्या हवाई हल्ल्यात कमांडर कासिम सुलेमानी मारला गेल्यावर इराणने क्षेपणास्त्रांनी हल्ले केले होते. येमेनचे अध्यक्ष अबेदरब्बो मंसूर हादी यांनी हल्ल्याची निंदा केली आहे.