शहरातील मिस्त्री हायस्कूल येथील प्रकार दोन वृध्दांना चक्कर, कोव्हॅक्सिनच्या दुसऱ्या डोससाठी प्रचंड गर्दी,
परिसरात वाहतूक कोंडी, अनेकजण गुदमरले, गर्दीला आवरण्यासाठी बेलावली पोलीस कुमक
प्रतिनिधी / रत्नागिरी
कोव्हक्सिनचा दुसरा डोस घेण्यासाठी प्रचंड गर्दी झाली होती. या गर्दीमुळे चेंगराचेंगरी होऊन २ वृध्दांना चक्कर आली. हा प्रकार शहरातील मिस्त्री हायस्कूलच्या गेटवर मंगळवारी दुपारी 2.30 च्या सुमारास घडला.
सुमारे 1500 हून अधिक नागरिकांनी यावेळी गर्दी केली होती. दुसऱ्या लसीची ऑनलाईन नोंद होत नसल्याने ऑफलाईन लस घेण्यासाठी नागरिकांनी रांगा लावल्या होत्या, मात्र जिल्हा प्रशासनाकडून नियोजन योग्य पध्दतीने न झाल्याने सोशल डिस्टस्टींगचा फज्जा उडाला होता, यामध्ये नागरिकांचे मात्र प्रचंड हाल झाले.