प्रतिनिधी /पणजी
राज्यात आज मंगळवार व उद्या बुधवारी मुसळधार पाऊस पडेल, असा इशारा हवामान खात्याने दिला आहे. गेल्या 24 तासात राज्यात सर्वत्र जोरदार पाऊस पडल्याची नोंद आहे.
बंगालच्या खाडीत तयार झालेल्या कमी दाबाच्या पट्टय़ाचा परिणाम म्हणून आता मोठय़ा प्रमाणात पावसाचे ढग महाराष्ट्र व गोव्याच्या दिशेने आगेकूच करीत आहेत. आज व उद्या गोव्यात सर्वत्र मुसळधार तथा मध्यम स्वरुपाचा पाऊस पडण्याचड शक्यता आहे. गेल्या 24 तासात सर्वाधिक पावसाची नोंद सांगे येथे झाली आहे. सांगेत 3 इंच, केपे 2.50 इंच, पेडणे 1 इंच, वाळपई 1.75 इंच, सांखळी 1 इंच नोंद झाली आहे. फोंडा, मडगाव मध्ये 2 इंच, दरम्यान गोव्यात आज व उद्या मुसळधार पावसाची शक्यता हवामान खात्याने व्यक्त केली आहे.