प्रतिनिधी / वैभववाडी:
खासदार विनायक राऊत यांच्यावतीने वैभववाडी येथील सहा आसनी रिक्षा चालकांना जीवनावश्यक वस्तूंच्या किटचे वाटप करण्यात आले. तालुक्यात सुमारे 100 जणांना वाटप करण्यात आले.
खासदार राऊत यांच्यावतीने जिह्यातील सहाआसनी रिक्षा चालकांना जीवनावश्यक वस्तुंच्या एक हजार किटचे वाटप शिवसेनेच्यावतीने करण्यात येत आहे. याचा एक भाग म्हणून वैभववाडी येथील 80 रिक्षा चालक व अन्य 20 अशा 100 लोकांना हे किट वाटप करण्यात आले.
यावेळी शिवसेना नेते अतुल रावराणे, उपजिल्हाप्रमुख नंदू शिंदे, तालुकाप्रमुख मंगेश लोके, माजी सभापती लक्ष्मण रावराणे, सिनेमा दिग्दर्शक दीपक कदम, स्वप्नील धुरी, महेंद्र रावराणे आदी उपस्थित होते. कोरोनाच्या पार्श्वभूमीवर गेले दीड-दोन महिने लॉकडाऊन सुरू आहे. त्यामुळे हातावर पोट असलेल्या रिक्षा व सलून व्यावसायिकांवर कठिण प्रसंग ओढवला आहे. अशा लोकांना मदतीचा हात म्हणून खासदार राऊत यांनी जीवनावश्यक वस्तूंचे वाटप जिह्यात सुरू केले आहे.