मुंबई
चिनी कंपनी शाओमी एमआय इंडिया यांनी आपला नवा स्मार्ट बँड भारतीय बाजारात उतरवला आहे. मे 2020 मध्ये कंपनीने आपल्या विविध उत्पादनांना भारतात लॉन्च करण्याची घोषणा केली होती त्याप्रमाणे स्मार्ट बँड उत्पादन भारतीयांच्या हाती देताना आनंद होत असल्याचे मुख्य व्यवसाय अधिकारी रघु रेड्डी यांनी सांगितले. हा नवा फिटनेस बँड कंपनीने नुकताच लाँच केला असून 2.7 सेंटीमीटरच्या बँडला रंगीत एलसीडी टच डिस्प्ले आहे. स्मार्ट वॉचला यूएसबीचा आधारही असून 14 दिवसापर्यंत बॅटरी कार्यरत राहते, असा कंपनीचा दावा आहे. त्याचप्रमाणे दोन तासात बॅटरी 100 टक्के चार्ज होत असल्याचे कंपनीने म्हटले आहे. काळा, हिरवा, निळा आणि नारंगी रंगांमध्ये स्मार्ट बँड उपलब्ध आहे. पळणे, नुसते चालणे, सायकलिंग याशिवाय इतर साधे व्यायाम करताना याचा वापर केल्यास हृदयांच्या ठोक्मयांवर लक्ष ठेवण्यासह इतर बाबींची माहिती कळते.