ऑनलाईन टीम / बीजिंग :
चीनने रॉकेट लाँचिंगसाठी तरंगणारे स्पेसपोर्ट बनवले आहे. या स्पेसपोर्टला ईस्ट एअरोस्पेस पोर्ट असे नाव देण्यात आले आहे.
चीन एअरोस्पेस सायन्स अँड टेक्नोलॉजी कॉर्पने तयार केलेल्या या स्पेसपोर्टद्वारे चीन प्रशांत महासागरातून रॉकेट लाँच करू शकतो. ज्यामुळे सेटेलाईट्सला अंतराळात कमी वेळेत पोहचवता येईल. स्पेसपोर्टवरून चीनला छोटे रॉकेट, हलके अंतराळ वाहन, सेटेलाईट्स आणि अन्य अंतराळ तंत्रज्ञानांचे लाँचिंग व परीक्षण करता येणार आहे.
नुकतेच चीनने या स्पेसपोर्ट्सवर लाँग मार्च – 11 हे रॉकेट लाँच केले. यात 9 सॅटेलाईट्स होते. हे लाँचपँडचे एक परीक्षण होते, जे यशस्वीरित्या पार पडले. दरम्यान, तरंगणाऱ्या लाँचपॅडवरून स्टारशिपला लाँच करण्याची घोषणा अमेरिकन स्पेस टेक्नोलॉजी कंपनी स्पेस एक्सने देखील केली होती. मात्र, त्यांना अद्याप ते शक्य झाले नाही.