प्रतिनिधी / बेळगाव
रोटरी क्लब ऑफ बेळगाव साऊथतर्फे महिला विद्यालय मुलींच्या शाळेमध्ये स्वच्छता या विषयावर जागृती कार्यक्रम घेण्यात आला. रोटरीने यंदा 116 वर्षे पूर्ण केले असून त्यानिमित्त रोटरी विविध सामाजिक उपक्रम राबवत आहे.
शाळेमध्ये झालेल्या कार्यक्रमात प्रमुख पाहुण्या म्हणून डॉ. अनिता उमदी उपस्थित होत्या. रोटे. कीर्ती सुरंजन यांनी त्यांचा सत्कार केला. क्लबचे अध्यक्ष डॉ. अल्पेश टोपराणी, प्राचार्य व्ही. एन. पाटील, डॉ. रूपाली, क्लबचे सचिव सत्येनस्वामी व डॉ. उमदी यांनी वैयक्तिक स्वच्छता, कर्करोग याबाबत मार्गदर्शन केले. डॉ. रूपाली यांनी ‘हॅण्डवॉश’बद्दल माहिती दिली. यावेळी क्लबचे सदस्य उपस्थित होते.