प्रतिनिधी / कोल्हापूर
वर्ल्ड मराठा ऑगनायझेशन (डब्ल्यूएमओ) वतीने रविवार 1 नोंव्हेबर रोजी रक्तदान शिबिराचे आयोजन करण्यात आले आहे. खानविलकर पेट्रोल पंप नागाळा पार्क येथील जयलक्ष्मी सांस्कृतिक भवनमध्ये सकाळी 8 ते सायंकाळी 5 या वेळेत हे शिबिर होणार ओह. सध्या कोरोनाच्या पार्श्वभूमीवर जिल्हÎात रक्ताचा तुटवडा भासत आहे. त्यामुळे रक्त संकलनासाठी या शिबिराचे आयोजन करण्यात आल्याची माहिती डब्ल्यूएमओच्या कोल्हापूरचे प्रतिनिधी अजय पाटील, अजय हवालदार, गणेश पाटील, पूजा पाटील यांनी दिली.
डब्ल्यूएमओची स्थापना 18 सप्टेंबर 2011 रोजी प्रवीण पिसाळ यांनी केली आहे. मराठा समाजातील दुर्बल व मागास बांधवांचा विकास, उन्नतीसाठी प्रयत्न करणे हा या संघटनेचा मुख्य हेतू आहे. फेसबुकवर या संस्थेचे तब्बल 15 लाखाहून अधिक सदस्य आहेत. सामाजिक कार्यातही या संघटनेचा क्रियाशिल सहभाग असतो.