श्रीनगर / वृत्तसंस्था
काश्मीरमधील राजौरी येथे दोन दिवसांपूर्वी एका वाहतूक पोलीस कर्मचाऱयावर गोळय़ा झाडण्याची जबाबदारी कुख्यात दहशतवादी संघटना ‘आयएस’ने स्वीकारली आहे. जबाबदारी स्वीकारतानाच आयएस संघटनेने एक व्हिडीओही जारी केला आहे. गोळीबार करताना दहशतवादी धार्मिक घोषणा देत आहेत. हा व्हिडीओ हल्लेखोराने स्वतः शूट केला आहे. हल्ल्याच्या या पद्धतीला ‘लोन वुल्फ ऍटॅक’ असे म्हटले जाते. त्यानुसार हल्लेखोर गोळीबार केल्यानंतर गर्दीत गायब होतो.
20 सेकंदांच्या या व्हिडीओमध्ये पोलीस जवान वाहनांनी खचाखच भरलेल्या रस्त्यावर वाहतूक नियंत्रण हाताळत असल्याचे दिसत आहे. याचदरम्यान, मागून एक दहशतवादी हातात पिस्तूल घेऊन येतो आणि वाहतूक पोलिसाच्या डोक्मयात गोळी झाडत असल्याचे दिसून येत आहे. या गोळीबारानंतर एक तरुण रस्त्यावर पडतो. त्यानंतर दहशतवादी दुसऱयावर गोळीबार करतो आणि गर्दीमधून पसार होतो.