दुबई / वृत्तसंस्था
इंग्लिश फिरकीपटू मोईन अली व अदिल रशिदच्या भेदक गोलंदाजीसमोर विद्यमान टी-20 विश्वजेत्या विंडीजचा 14.2 षटकात अवघ्या 55 धावांमध्येच धुव्वा उडवला. आयसीसी टी-20 विश्वचषक स्पर्धेतील या साखळी सामन्यात विंडीजचे फलंदाज केवळ उत्तुंग फटकेबाजीच्या प्रयत्नात राहिले आणि याची त्यांना मोठी किंमत मोजावी लागली. टी-20 विश्वचषकातील ही तिसरी निचांकी धावसंख्या ठरली. इंग्लंडने 8.2 षटकात विजय मिळवला. मात्र, यासाठी त्यांनाही 4 गडी गमवावे लागले.