तालुक्मयातील 151 जणांचा समावेश : कोरोना नियमांचे पालन करण्याचे आवाहन
प्रतिनिधी / बेळगाव
शुक्रवारी जिल्हय़ामध्ये 442 नवे कोरोना रुग्ण आढळून आले आहेत. गेल्या दोन दिवसांच्या तुलनेत शुक्रवारी काही प्रमाणात रुग्णांची संख्या घटली असली तरी भीतीचे वातावरण मात्र कायम आहे. गेल्या चार दिवसांपासून क्लोजडाऊन करण्यात आले आहे. त्यामुळे अनेक जणांनी शहराकडे फिरकणे बंद केले असले तरी खरेदीसाठी मोठी गर्दी होताना दिसत आहे. त्यामुळे रुग्णसंख्या वाढतच चालली आहे.
शुक्रवारी शहरामध्ये 127, ग्रामीण भागामध्ये 24 असे एकूण 151 रुग्ण बेळगाव तालुक्मयात आढळून आले आहेत. जिल्हय़ामध्ये 442 जण कोरोना पॉझिटिव्ह रुग्ण आढळल्यामुळे जनतेने दक्षता घेण्याची गरज आहे. कोरोना रुग्णांची संख्या गेल्या काही दिवसांत वाढत आहे. कोरोना रुग्णांवर विविध हॉस्पिटलमध्ये उपचार सुरू आहेत. अनेक रुग्ण बरे होत आहेत. तरी देखील या आजारापासून बचाव करण्यासाठी मास्क, सॅनिटायझरचा वापर करणे महत्त्वाचे आहे. शुक्रवारी वेगवेगळय़ा इस्पितळांमधून 281 जण बरे झाले असून त्यांना घरी पाठविण्यात आले आहे. बेळगावात आतापर्यंत 360 जणांचा मृत्यू झाला आहे. सध्या जिल्हय़ामध्ये 3 हजार 54 रुग्ण सक्रिय असल्याचे या अहवालात नमूद करण्यात आले आहे.