प्रतिनिधी/ सातारा
संभाजीनगरमधील श्री साई कॉलनीत राहत असलेले नवनाथ यदु केंजळे (वय 51) यांच्या घरी शुक्रवारी चोरटय़ांनी घरात प्रवेश करत 2 लाख 22 हजार रूपये किंमतीचे सोने-चांदीचे दागिने चोरून नेले. चोरीचा गुन्हा सातारा शहर पोलीस ठाण्यात दाखल झाला आहे.
याबाबत पोलिसांनी दिलेली अधिक माहिती अशी की, नवनाथ केंजळे यांच्या घराच्या दरवाजाचे कोयंडा तोडून चोरटय़ानी शुक्रवारी 6.30 ते 9.20 च्या सुमारास आत प्रवेश केला. घरातील बेडरूममधील लोखंडी कपाटात ठेवलेले साडेचार तोळे सोन्याचे मनीमंगळसुत्र, कर्णफुले, एक ग्रॅम वजनाच्या सोन्याच्या अंगठय़ा, लहान बाळाच्या सोन्याच्या अंगठय़ा, सोन्याचे बदाम, पायातील चांदीचे चार जोडव्याच्या जोडय़ा, दोन चांदीचे छल्ले, व इतर चांदीचे साहित्य असा 2 लाख 22 हजार रूपये किंमतीचा मुद्देमाल चोरून नेला आहे. या चोरीची अधिक तपास पोलीस उपनिरीक्षक एन. एस. कदम करत आहेत.