प्रतिनिधी / कुडचडे
सावर्डे जुवारी नदीच्या पात्रता काल सोमवार दि. 14 जून रोजी सकाळी अंदाजे 7.15 वाजता बागवाडा-सावर्डे येथील उल्हास साल्वादोर फर्नांडिस (50) याने उडी टाकून आत्महत्या केल्याची माहिती कुडचडे पोलीस स्थानकातून प्राप्त झाली आहे.
या घटनेची माहिती मिळताच कुडचडे पोलीस व कुडचडे अग्निशामक दलाने घटना स्थळी धाव घेतली. पण मिळालेल्या माहिती नूसार ज्यावेळेस सदर व्यक्तीने पाण्यात उडी घेतली त्यावेळी तेथे डय़ुटीवर असलेल्या सुरक्षा रक्षकाने बघितले व लगेच सदर व्यक्तीला वर काढले पण थोडय़ा वेळाने सदर व्यक्तीचा मृत्यू झाला. सदर घटनेचा पंचनामा निरीक्षक रवींद्र देसाई यांच्या मार्गदर्शनाखाली उपनिरीक्षक प्रकाश नाईक यांनी केला असून मृतदेह शवचिकित्सेसाठी मडगाव हॉस्पिसियो इस्पितळात पाठविल्याची माहिती प्राप्त झाली आहे.