ऑनलाईन टीम / नवी दिल्ली :
भारतीय बाजारांमध्ये आज सलग तिसऱ्या दिवशीही सोने-चांदीच्या दरात घसरण झाली. एमसीएक्सवर सोन्याचा वायदा 0.10 टक्क्यांनी घसरुन तो 48,627 रुपये प्रति 10 ग्रॅमवर तर, चांदी 0.21 टक्क्यांनी घसरुन 70,663 रुपये प्रति किलोवर आली आहे.
अमेरिकी बॉन्डमध्ये आलेल्या घसरणीनंतर जागतिक बाजारात सोन्याचे दर दोन आठवडय़ाच्या निच्चांकावर गेले आहेत. मागील सत्रात सोन्याच्या हजर बाजारातील किंमती 0.4 टक्क्यांनी घसरुन 1,862.68 डॉलरवर आल्या आहेत.