ऑनलाईन टीम / नवी दिल्ली :
रशियातील पॅनेशिया बायोटेकने तयार केलेल्या ‘स्पुतनिक लाइट’ या सिंगल डोस लसीच्या तिसऱ्या टप्प्यातील चाचणीला ड्रग्ज कंट्रोलर जनरल ऑफ इंडियाने मंजुरी दिली आहे. या लसीची गुणवत्ता आणि सुरक्षा तपासण्यासाठी लसीची पहिली खेप भारतात आली असून, हॉस्पिटलमध्ये ट्रायल साइट्स सेट करण्याचे प्रयत्न सुरू आहेत. लवकरच या चाचण्यांसाठी स्वयंसेवकांची नोंदणी सुरू होणार आहे.
दरम्यान, द लॅन्सेटमध्ये नुकत्याच प्रकाशित झालेल्या एका अहवालात म्हटले आहे की, स्पुतनिक लाइट कोरोनाविरूद्ध 78.6 ते 83.7 टक्के प्रभावी आहे. अर्जेंटिनातील 40 हजार वृध्दांवर याची चाचणी करण्यात आली आहे. या लसीमुळे रुग्णालयात दाखल होण्याची संख्या 82.1 वरुन 87.6 टक्क्यांपर्यंत कमी झाली आहे.