ऑनलाईन टीम / मुंबई :
हिरानंदानी समुहाच्या 24 ठिकाणांवर आज सकाळी आयकर विभागाने धाड टाकली. यामध्ये मुंबई, चेन्नई, बेंगळुरू येथील कार्यालयांचा समावेश आहे. या कार्यालयांमध्ये आयकर विभागाचे अधिकारी कागदपत्रांची तपासणी करत आहेत.
हिरानंदानी समुह ही रिअल इस्टेटमधील नामांकित कंपनी आहे. चेन्नईतील नवी टाऊनशीप आणि बेंगळुरूमधील नवीन डेटा सेंटर उभारणीत करचोरी केल्याचा संशय आयकर विभागाला आहे. त्या पार्श्वभूमीवर आयकर विभागाने ही धाड टाकली आहे. सकाळपासून आयकर विभागाचे अधिकारी हिरानंदानी समुहाच्या कार्यालयांमध्ये ठाण मांडून बसले आहेत. हिरानंदानी समुहावरील छाप्यामुळे रिअल इस्टेट क्षेत्रात खळबळ उडाली आहे.