नवी दिल्ली \ ऑनलाईन टीम
तालिबान्यांनी कब्जा केल्यानंतर अफगाणिस्तानमध्ये निर्माण झालेल्या गंभीर परिस्थितीच्या पार्श्वभूमीवर केंद्र सरकारने सर्वपक्षीय बैठक बोलावली आहे. केंद्राने बोलावलेल्या बैठकीला सुरुवात झाली आहे. राष्ट्रवादी काँग्रेसचे अध्यक्ष शरद पवार , काँग्रेस नेते मल्लिकार्जुन खरगे देखील या बैठकीला उपस्थित आहेत.
या बैठकीदरम्यान परराष्ट्र मंत्री एस जयशंकर सर्वपक्षीय नेत्यांना अफगाणिस्तानात केंद्र सरकारकडून करण्यात आलेली कारवाई, बचाव मोहीम यासंबंधी सविस्तर माहिती देणार आहेत.
केंद्राच्या या सर्वपक्षीय बैठकीसाठी राष्ट्रवादी काँग्रेसचे सर्वेसर्वा शरद पवार आणि काँग्रेस नेते मल्लिकार्जुन खरगे, एचडी देवेगौडा आणि माजी केंद्रीय मंत्री आनंद शर्मा देखील संसद भवनात दाखल झाले आहेत.