वृत्तसंस्था/ साओ पावलो
ब्राझीलचे फुटबॉल सम्राट पेले यांच्या प्रकृतीमध्ये सुधारणा होत असल्याचे रूग्णालयातील डॉक्टरांनी सांगितले. काही दिवसापूर्वी पेले यांना टय़ुमरची व्याधी झाली होती. डॉक्टरांनी शस्त्रक्रिया करून पेले यांच्या पोटातील टय़ुमर बाहेर काढले आहे.
80 वर्षीय पेले यांच्या प्रकृतीमध्ये सुधारणा होत असून लवकरच त्यांना घरी जाण्याची परवानगी दिली जाईल. येथील अल्बर्ट इनेस्टिन हॉस्पिटलमध्ये पेले यांना शस्त्रक्रियेसाठी दाखल करण्यात आले होते. ब्राझीलला तीनवेळा फिफाचा विश्वकरंडक मिळवून देणारे पेले हे एकमेव फुटबॉलपटू म्हणून ओळखले जातात.