लोकप्रिय मराठमोळी अभिनेत्री सोनाली कुलकर्णी हिचा लग्नंतरचा हा पहिलाच गणोशोत्सव आहे. बेनोडेकरांची सून म्हणून सोनालीचा हा पहिला मोठा सण आहे. सोनालीने या वर्षी बेनोडेकरांची सून बनून आपल्या घराची 50 वर्ष जुनी परंपरा जपली आहे.
भक्तांची विघ्न हरणारा आणि संकटात तारणारा सगळय़ाचा लाडका बाप्पा आज अनेकांच्या घरात विराजमान झाला. प्रेक्षकांप्रमाणे अनेक कलाकारांच्या घरी देखील बाप्पाचं आगमन झालं. मराठी चित्रपटसृष्टीची अप्सरा असणारी सोनाली कुलकर्णी हिच्या घरीदेखील बाप्पाचं आगमन झालं आहे. लग्नानंतर सोनालीचा हा पहिलाच गणेशोत्सव आहे. बेनोडेकरांची सून बनून सोनालीने तिच्या माहेरची गेल्या 50 वर्षांची परंपरा सुरू ठेवली आहे. एक व्हिडीओ पोस्ट करत सोनालीने चाहत्यांना तिच्या घरच्या बाप्पाचं दर्शन घडवलं आहे. गणेशोत्सवासाठी सोनाली तिच्या माहेरी आली आहे. सोनालीच्या घरी गेली 50 वर्ष स्वतःच्या हाताने गणपतीची मूर्ती घडवण्याची प्रथा आहे. याही वर्षी सोनालीने तिच्या हाताने मूर्ती घडवली आहे. सोनालीने गणपतीची मूर्ती घडवतानाचा व्हिडीओ देखील चाहत्यांसोबत शेअर केला होता. सोनालीने आपल्या लाडक्या बाप्पाच्या प्रतिष्ठापनेचा व्हिडीओ चाहत्यांसोबत शेअर केला आहे. यात सोनाली खूप आनंदी दिसत आहे. व्हिडिओत सोनाली गणपती बाप्पा मोरयाच्या घोषणा देताना आणि गणपतीची पूजा करताना दिसत आहे.
सोनालीचा हा व्हिडीओ चाहत्यांना प्रचंड पसंत पडला आहे. अनेकांनी सोनालीने घडवलेल्या मूर्तीचं कौतुक केलं आहे. सोनालीचा व्हिडिओमधील लूकदेखील अनेकांना पसंत पडला आहे. बेनोडेकरांची सून बनून नटून थटून सोनालीचं गणपतीचं स्वागत करण्यासाठी दारात उभं राहणं चाहत्यांना भावलं आहे.