प्रतिनिधी / कणकवली:
सारस्वत को. ऑपरेटिव्ह बँकेच्या संचालक मंडळाच्या निवडीसाठी शुक्रवारी मतदान झाले. बँकेच्या संचालक मंडळाच्या या निवडणुकीसाठी सिंधुदुर्ग जिह्यात 2133 मतदारांनी मतदानाचा हक्क बजावला. यात आमदार वैभव नाईक यांनी येथील शाखेत मतदान केले. या बँकेसाठी एकूण 16 जणांचे संचालक मंडळ असून त्यापैकी सहा जागा बिनविरोध झाल्या आहेत. तर उर्वरित दहा जागांसाठी 11 उमेदवार रिंगणात होते. प्रत्येक मतदाराला दहा मतांचा अधिकार होता. त्यानुसार कणकवली शाखा 375, कुडाळ 405, मालवण 450, वेंगुर्ले 450, सावंतवाडी 218, वैभववाडी 72 व देवगड 163 मतदारांनी मतदानाचा हक्क बजावल्याचे बँकेच्या सूत्रांनी सांगितले.