20 हजार रोख, दोन मोबाईल जप्त : कॅम्प पोलिसात एफआयआर
बेळगाव : ऑनलाईन क्रिकेट बेटिंग घेणाऱया एका युवकाला गुरुवारी सीसीबी पोलिसांनी अटक केली आहे. विनायकनगर येथे ही कारवाई करण्यात आली. सीसीबीचे पोलीस निरीक्षक निंगनगौडा पाटील व त्यांच्या सहकाऱयांनी ही कारवाई केली. ज्या तरुणाला अटक केली त्याच्या घरातच बेटिंगचे काम सुरू होते. छाप्यावेळी तपासणी करताना त्याच्या घरामध्ये रोख 20 हजार रुपये, दोन मोबाईल, बेटिंग लिहून घेतलेल्या 24 चिठ्ठय़ा आणि 750 एमएलच्या 17 दारुच्या बाटल्या पोलिसांनी ताब्यात घेतल्या आहेत. यासंबंधी कॅम्प पोलिसात एफआयआर दाखल करण्यात आला आहे.