विशाल भारद्वाज यांचा ‘खूफिया’ चित्रपट
दिग्दर्शक विशाल भारद्वाज यांनी अलिकडेच स्वतःचा आगामी चित्रपट ‘खूफिया’ची घोषणा केली होती. त्यांच्या या थ्रिलर चित्रपटात अभिनेत्री वामिका गब्बी मुख्य भूमिकेत दिसून येणार आहे. अलिकडेच वामिकाने या चित्रपटाचे चित्रिकरण दिल्लीत सुरू केले आहे.
वामिकाने स्वतः देखील सोशल मीडियावर एक व्हिडिओ शेअर करत स्वतःच्या या चित्रपटाची घोषणा केली आहे. काही गोपनीय कागदपत्रे माझ्याकडे आहेत असे तिने कॅप्शनमध्ये नमूद केले आहे. या चित्रपटात वामिकासोबत तब्बू आणि अली फजल देखील मुख्य भूमिकांमध्ये दिसून येणार आहेत. ‘खूफिया’ हा चित्रपट ओटीटी प्लॅटफॉर्म नेटफ्लिक्सवर प्रदर्शित केला जाणार आहे.
वामिकाने हिंदीसोबतच अनेक दाक्षिणात्य चित्रपटांमध्ये काम केले आहे. बिट्टू या हिंदी चित्रपटात ती दिसून आली होती. तर ग्रहण या वेबसीरिजमधील तिच्या अभिनयाला प्रेक्षकांकडून मोठी दाद मिळाली होती.