वृत्तसंस्था/ नेपियर
हॉलंडचा क्रिकेट संघ न्यूझीलंडच्या दौऱयावर येणार आहे. या दौऱयात उभय संघात वनडे मालिका खेळविली जाणार आहे. या मालिकेपूर्वी नेपियरमध्ये पुढील आठवडय़ात न्यूझीलंड इलेव्हन आणि हॉलंड यांच्यात सरावाचा सामना खेळविला जाणार असून न्यूझीलंडचा माजी कसोटीवीर रॉस टेलर सहभागी होणार आहे.
रॉस टेलरने यापूर्वीच क्रिकेट क्षेत्रातून निवृत्ती पत्करली होती. चालू महिन्याच्या अखेरीस न्यूझीलंड आणि हॉलंड यांच्यात ही वनडे मालिका होणार आहे. न्यूझीलंड इलेव्हन आणि हॉलंड यांच्यातील हा सरावाचा सामना 19 मार्चला खेळविला जाणार आहे. त्याचप्रमाणे उभय संघात एकमेव टी-20 सामना आयोजित केला आहे. न्यूझीलंड इलेव्हन संघाचे नेतृत्व ब्रेसवेलकडे सोपविण्यात आले आहे.