प्रतिनिधी / सातारा :
किल्ले अजिंक्यतारा येथील जुन्या कड्यावरुन पाय घसरुन एक वृद्ध दरीत पडला आहे. घटनेची माहिती मिळताच पोलीस आणि शिवेंद्रराजे ट्रेकर्स घटनास्थळी दाखल झाले आहेत. बचावकार्य सुरु असून, वृद्ध जिवंत असल्याची प्राथमिक माहिती मिळत आहे.
हणमंत जाधव (वय 64, रा.वडगाव, पुणे) असे या वृद्धाचे नाव आहे. ते बेपत्ता झाल्याची तक्रार सिंहगड पोलीस ठाण्यात दाखल आहे.
पोलिसांनी दिलेली माहिती अशी, सकाळी फिरायला येणाऱ्या नागरिकांना एक वृद्ध दरीत पडल्याचे निदर्शनास आले. त्यांनी शहर पोलिसांना यांची माहिती देवून शिवेंद्रराजे ट्रेकर्सच्या माध्यमातून बचाव कार्य सुरु आहे. हे वृद्ध पुणे येथील वडगावचे रहिवाशी आहेत. त्यांचे नातेवाईक घटनास्थळी दाखल झाले आहेत. वृद्ध पाय घसरून पडले की त्यांनी आत्महत्या करण्याचा प्रयत्न केला, याबाबत कोणतीही ठोस माहिती अद्याप समोर आलेली नाही.