खेडा अन् वडोदरामध्ये झाला वाद
वृत्तसंस्था/ वडोदरा
गुजरातच्या दोन शहरांमध्ये सांप्रदायिक तणाव निर्माण झाला आहे. नाडियाड जिल्हय़ातील खेडा शहरात गरबा आयोजन बंद करण्यावरून वाद झाला असून यात किमान 6 जण जखमी झाले आहेत. तर वडोदरा जिल्हय़ातील सावली येथे धार्मिक ध्वज लावण्यावरून दोन गटांमध्ये दगडफेक झाली आहे. पोलिसांनी दोन्ही गटांच्या 40 जणांना अटक केली आहे. खेडा शहरात आरिफ आणि जाहिर नावाच्या दोन जणांच्या नेतृत्वाखाली काही लोकांनी खेडा शहरातील गरबा कार्यक्रम रोखण्याचा प्रयत्न केला होता, यामुळे तेथील स्थिती बिघडून दगडफेक सुरू झली होती. दोन्ही मुख्य आरोपी फरार असून त्यांचा शोध घेण्यात येत असल्याची माहिती पोलीस अधीक्षक राजेश गोधिया यांनी दिली आहे.