आयसीआरए यांच्याकडून 6 ते 8 टक्के वाढीचा अंदाज व्यक्त
वृत्तसंस्था/ नवी दिल्ली
आगामी आर्थिक वर्ष 2023-24 मध्ये भारतीय फार्मा उद्योग (आयपीएम) सहा ते आठ टक्के दराने वाढणार असल्याची अपेक्षा व्यक्त केली आहे. रेटिंग एजन्सी आयसीआरए यांनी ही माहिती दिलेली आहे.
आयसीआरएचे सहाय्यक उपाध्यक्ष आणि क्षेत्र प्रमुख मैत्री माचेर्ला यांनी एका निवेदनात म्हटले आहे की, महसुलात 2022-23 मधील तीन ते चार टक्क्यांच्या तुलनेत 2023-24 मध्ये सहा ते आठ टक्के वाढ अपेक्षित धरली जात आहे. तसेच येणाऱ्या काळात औषधांची मागणी वाढीव राहणार आहे.
आर्थिक वर्ष 2011-12 आणि आर्थिक वर्ष 2021-22 दरम्यान आयपीएमने 10.9 टक्के वार्षिक वाढ नोंदवली आहे.
माचेर्ला म्हणाले की, आर्थिक वर्ष 2017-18 पासून दरवर्षी आयपीएम वाढीला औषध किमतीत वाढीसह नवीन उत्पादनांच्या सादरीकरणाने हातभार लावला आहे. तथापि, या प्रत्येक आर्थिक वर्षांत खंडानुसार विक्री केवळ दोन ते तीन टक्क्यांनी वाढली आहे. याचीही नेंद यावेळी करण्यात आली आहे.