ऑनलाईन टीम / पणजी :
गोव्याचे विद्यमान राज्यपाल सत्यपाल मलिक यांची मेघालयच्या राज्यपालपदी बदली करण्यात आली आहे. त्यांनी आज सकाळीच गोव्याचा निरोप घेतला. त्यांच्या जागी महाराष्ट्राचे राज्यपाल भगतसिंह कोश्यारी यांना गोव्याच्या राज्यपालपदाची अतिरिक्त जबाबदारी देण्यात आली आहे.
आज सायंकाळी गोव्याच्या दोनपावल येथील राजभवनात कोश्यारी यांनी एका छोटे खाणी कार्यक्रमात पद आणि गोपनीयतेची शपथ घेतली. कोंकणीतून शपथ घेणारे कोश्यारी हे गोव्यातील पहिले राज्यपाल आहेत. आता गोवा आणि महाराष्ट्र या दोन्ही राज्यांच्या राज्यपालपदी भगतसिंह कोश्यारी असणार आहेत.
राष्ट्रपती रामनाथ कोविंद यांच्या स्वाक्षरीनंतर सत्यपाल मलिक यांची बदली मेघालयच्या राज्यपालपदी करण्यात आली आहे. सप्टेंबर 2019 रोजी भगतसिंह कोश्यारी यांची महाराष्ट्राच्या राज्यपालपदी निवड करण्यात आली होती.