प्रतिनिधी / चिपळूण
दसपटीतील एका ठिकाणी घरात पाळलेल्या 3 पोपटांसह पिंजरा ताब्यात घेऊन वनविभागाने या पोपटांना शुक्रवारी पिंजऱयातून मुक्त केले आहे.
कोकणात खेडेगावांमध्ये सर्रासपणे घरांमध्ये पोपट पाळले जातात. पिंजऱयात बंद करून पोपट पाळण्याचा अनेकांना छंद आहे. मात्र अशा कृतीवर वनविभागाच्या अधिनियमानुसार दंडासह शिक्षेची तरतूद आहे. पिंजऱयांत पोपट पाळलेला आढळल्यास संबंधितांवर वनविभागाकडून गुन्हा दाखल करण्यासह 25 हजाराचा दंड ठोठावला जातो. असे असतानाही दसपटीतील एका गावातील घरात लहान मुलांनी तीन पोपट पाळले होते. या संदर्भात कुणीतरी याची माहिती दिल्यानंतर वनविभागाच्या कर्मचाऱयांनी घरी जाऊन हे पोपट पिंजऱयासह ताब्यात घेतले. संबंधिताना या बाबत कडक समजही देण्यात आली. शुक्रवारी या पोपटांना त्यांच्या नैसर्गिक अधिवासात सोडण्यात आले.