बेळगाव/प्रतिनिधी
कर्नाटकचे मुख्यमंत्री बी. एस. येडियुरप्पा यांनी बुधवारी दिवंगत नेते रेल्वे राज्यमंत्री सुरेश अंगडी यांच्या बेळगाव येथील निवासस्थानी भेट दिली. यावेळी मुख्यमंत्री येडियुरप्पा यांनी त्यांच्या कुंटुंबियांचे सांत्वन केले. दरम्यान मुख्यमंत्र्यांनी अंगडी यांच्या प्रतिमेचे दर्शन घेत श्रद्धांजली वाहिली.
यावेळी उद्योग मंत्री जगदीश शेट्टर, गृहमंत्री बसवराज बोम्माई, आणि बेळगावचे जिल्हा प्रभारी मंत्री रमेश जारकिहोळी आधी उपस्थित होते. सुरेश अंगडी यांचे २३ सप्टेंबर रोजी कोरोनामुळे निधन झाले होते. आज मुख्यमंत्र्यांनी दिवंगत नेते सुरेश अंगडी यांच्या निवासस्थानी भेट देत त्यांना श्रद्धांजली अर्पण केली.