ऑनलाईन टीम / नवी दिल्ली :
‘फायझर’ या अमेरिकन औषध निर्माण कंपनीने भारतात कोरोना लसीच्या आपत्कालीन वापरासाठी औषध महानियंत्रकांकडे केलेला अर्ज मागे घेतला आहे.
फायझरने बायोएनटेकच्या मदतीने ‘MRNA’ ही लस तयार केली आहे. भारताच्या औषध महानियंत्रकांकडे या लसीच्या आपत्कालीन वापरासाठी परवानगी मागणारी पहिली कंपनी होती. भारताच्या विषय तज्ज्ञ समितीपुढे 3 फेब्रुवारीला या कंपनीकडून सादरीकरण करण्यात आले. मात्र, औषध नियंत्रण संस्थेने लसीची निर्मिती आणि परिणामकारकता या संदर्भात अधिक माहिती मागितल्याने आम्ही अर्ज मागे घेतला आहे.
मात्र, औषध नियंत्रण संस्थेने मागितलेली अधिकची माहिती मिळाल्यानंतर आम्ही पुन्हा अर्ज सादर करू, असे फायझरकडून सांगण्यात आले आहे.