नवी दिल्ली / वृत्तसंस्था
जानेवारीत भारताच्या निर्यातीत मोठी वाढ झाली आहे. ही निर्यात 27.45 अब्ज डॉलर्स इतकी असून ती गेल्या वर्षाच्या जानेवारीपेक्षा 6.16 टक्क्यांनी जास्त आहे. जानेवारीत आयातीतही गेल्या जानेवारीपेक्षा 2 टक्के वाढ झाली असून आयात 42 अब्ज डॉलर्स आहे. यामुळे व्यापारी तूट जानेवारीत 14.54 अब्ज डॉलर्स इतकी आहे. ही माहिती केंद्र सरकारने दिली आहे. एप्रिल ते जानेवारी या कालावधीत भारताची निर्यात 13.58 टक्क्यांनी घटलेली असून ती 228.25 अब्ज डॉलर्स होती. याच कालावधीत आयातही 25.92 टक्क्यांनी घटलेली असून ती 300.26 अब्ज डॉलर्स होती, अशीही माहिती देण्यात आली.