विवाहाच्या दिवशी झाला उलगडा
चीनमध्ये एक विचित्र प्रकार घडला आहे. येथे एक विवाह होत असताना नवऱया मुलाची आईची नजर वधूच्या हातांवर पडली. त्यानंतर जे घडले, त्याची कल्पना कुणी स्वप्नात देखील केली नसेल. नवऱया मुलाची आई जोरजोरात रडू लागली.
भाऊबहिण निघाले
ज्या जोडप्याचा विवाह होत होता, ते चक्क भाऊबहिण निघाले. महिलेने वधूच्या हातांवरील जन्मखुण पाहिली. त्यानंतर तिने त्वरित स्वतःच्या मुलीला ओळखले. ही घटना चीनच्या जिआनग्सू प्रांतातील सोझोऊ येथील आहे. हा विवाह 31 मार्च रोजी होणार होता. हातावरील जन्मखुण पाहिल्यावर संबंधित महिलेने वधूला तिच्या आईवडिलांविषयी विचारले. यावर 20 वर्षांपूर्वी संबंधित रस्त्याच्या कडेला सापडल्यावर आपल्याला दत्तक घेण्यात आले होते असे उत्तर वधूने दिले होते.
विवाह थांबला नाही..
नात्यांचा उलगडा होताच वधू स्वतःच्या आईला भेटून रडू लागली. या प्रकारात आणखी एक चकित करणारे वळण म्हणजे विवाहसोहळा थांबविण्यात आला नाही. कारण नवऱया मुलालाही या महिलेने दत्तकच घेतले होते. वधूच्या खऱया आईचा या विवाहावर कुठलाच आक्षेप नव्हता.
नशीबाचा खेळ
20 वर्षांपूर्वी या महिलेची मुलगी बेपत्ता झाली होती, तेव्हा तिने मुलीचा खूप शोध घेतला होता. पण मुलगी न मिळाल्याने महिलेने एका मुलाला दत्तक घेतले होते. आता याच मुलाशी तिच्या मुलीचा विवाह झाला आहे.