खरेदीसाठी झुंबड, सोशल डिस्टनचा भंग
प्रतिनिधी / मिरज
कोरोनाच्या प्रतिबंधात्मक उपाययोजनांसाठी बुधवारपासून आठ दिवस महापालिका क्षेत्रात कडक लॉकडाऊन लागू होणार असल्याने मंगळवारी सकाळी खरेदीसाठी शहरातील सर्वच बाजार पेठांमध्ये गर्दी उसळली.
धान्य, तेल, भाजीपाला, दूध खरेदीसाठी नागरिकांची प्रचंड गर्दी केली होती. लोणी बाजार, सराफ रोड, बोकड चौक, गाडवे चौकाला यात्रेचे स्वरूप आल्याने कोरोना नियमांचा फज्जा उडाला. या गर्दीला पांगवण्यासाठी महापालिका आणि पोलिसांचे पथक रस्त्यावर उतरले होते. मात्र, सकाळी ११ वाजेपर्यंत गर्दी नियंत्रणात आली नाही. ११ नंतरही बाजार पेठांमध्ये गर्दीच होती. काही धान्य आणि तेल दुकानांसमोर सोशल डिस्टनच्या नियमांच्या चिंधड्या उडाल्याने प्रशासनाला कारवाईचा बडगा उगारवा लागला.