मुंबई
31 मार्च 2021 ला संपलेल्या तिमाहीत अदानी पोर्टस् अँड स्पेशल इकॉनॉमिक झोन लिमिटेडच्या निव्वळ नफ्यात तब्बल 285 टक्क्यांची वाढ झाली आहे. कंपनीने सदरच्या कालावधीत 1 हजार 288 कोटी रुपये इतका निव्वळ नफा नोंदवला आहे. मागच्या वर्षी समान कालावधीत कंपनीने 334 कोटी रुपये इतका नफा कमावला होता. कंपनीचा एकत्रित महसूल 24 टक्क्यांनी वाढून 3 हजार 608 कोटी रुपयांवर पोहचला आहे. जो मागच्या वर्षी समान कालावधीत 2 हजार 921 कोटी रुपये इतका राहिला होता. निव्वळ नफ्याच्याबाबतीत कंपनीने चांगली कामगिरी पार पाडली आहे.