देहराडून / वृत्तसंस्था
केदारनाथ मंदिराजवळ शनिवारी पुन्हा एकदा हिमस्खलन झाले आहे. या घटनेचा व्हिडीओ समोर आला आहे. या घटनेत किती नुकसान किंवा जीवितहानी झाली याची माहिती तातडीने जारी करण्यात आलेली नाही. तथापि, केदारनाथ मंदिराचे कोणतेही नुकसान झालेले नाही, असे श्री बद्रीनाथ-केदारनाथ मंदिर समितीचे अध्यक्ष अजेंद्र अजय यांनी सांगितले. यापूर्वी 23 सप्टेंबर रोजी मंदिराच्या मागे 5 किमी अंतरावर असलेल्या चौराबारी ग्लेशियरमध्ये हिमस्खलन झाले होते. त्यानंतर आता केदारनाथ मंदिराच्या मागे सुमारे 5 किमी अंतरावर असलेल्या चौराबारी ग्लेशियरमध्ये हिमस्खलन झाले.