डाळ-भात,चपाती-भाजी रोज तेचतेच जेवण खायला कंटाळा येतो. मग काहीतरी नवीन खावं असं प्रत्येकालाच वाटत असतं. मग घरातील गृहिणीही वेगवेगळ्या रेसिपी ट्राय करतात. आज आपण अशीच एक भन्नाट रेसिपी पाहणार आहोत जी डाळभाताच्या जेवणाची देखील चव वाढवेल.बातात्याचे काप हा पदार्थ खायला चविष्ट आणि अगदी सोपा आहे. हा पदार्थ तुम्ही कमीत कमी वेळात बनवू शकता.
साहित्य
३ ते ४ बटाटे
१/४ कप तांदळाचे पीठ, कॉर्नफ्लोअर
१ चमचा लाल तिखट
चिमूटभर हळद पावडर
चवीनुसार मीठ
तळण्यासाठी तेल
कृती
एका भांड्यात तांदळाचे पीठ, तिखट, हळद आणि मीठ एकत्र करा. एका मोठ्या भांड्यात 3 कप पाणी घाला. बटाटे सोलून त्याचे पातळ काप करा. बटाट्याचे तुकडे करताच ते पाण्यात टाका. सर्व बटाटे कापून झाल्यावर तवा गरम करा. त्यावर थोडे तेल टाकून चमच्याने पसरवून घ्या. गॅस मध्यम आचेवर ठेवा. बटाट्याचे काही तुकडे पाण्यातून काढा. आणि स्वच्छ कापडाने हे तुकडे थोडे कोरडे करा. थोडासा ओलावा राहूद्या जेणेकरून तांदळाचे पीठ स्लाइसच्या पृष्ठभागावर चिकटेल. कापलेल्या तांदळाच्या पिठात काप ठेवा.बटाट्याच्या तुकड्यांच्या दोन्ही बाजूनं तांदळाच्या पिठाने घोळवून घ्या. बटाट्याचे तुकडे तव्यावर ठेवा आणि तपकिरी होईपर्यंत तळा. नंतर बटाट्याचे काप उलटा.आवश्यक असल्यास पॅनमध्ये तेलाचे काही थेंब टाका. कुरकुरीत तळून झाल्यानंतर हे काप बाहेर काढून घ्या. तयार आहेत गरमागरम बटाट्याचे काप. हे काप तुम्ही वरण भात किंवा चपातीबरोबर खाऊ शकता.
Kalyani Amanagi
Meet Kalyani Amanagi: a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, kalyani specializes in, entertainment, and local content. Her captivating storytelling and deep industry knowledge make her an expert in crafting engaging narratives. Connect with kalyanj for collaborations and captivating content that informs and entertains.
Add A Comment
