अग्निशामक दलाच्या प्रसंगावधानामुळे मोठा अनर्थ टळला
प्रतिनिधी /पेडणे
पेडणे मामलेदार कार्यालयात विजेच्या पॅनल बोर्डला रविवारी पहाटे 5.15 वा. आग लागण्याची घटना घडली. यामुळे सर्वत्र धुराचे लोट पसरले. जवळच असलेल्या अग्निशामक दलाच्या कार्यालयाच्या लक्षात आल्यामुळे जवानांनी घटनास्थळी धाव घेत आग त्वरित नियंत्रणात आणली. यामुळे मोठा अनर्थ टळला.
मोठी घटना होण्यापूर्वी तात्काळ अग्निशामक दलाचे साहायक अधिकारी आणि जवान यांनी घटनास्थळी धाव घेऊन मोठी दुर्घटना होण्यापासून, मामलेदार व सगळी कार्यालयेही वाचवण्यात यश मिळवले. मामलेदार कार्यालयाच्या बाहेर असलेल्या विजेच्या पॅनल बोर्डला शॉर्ट सर्किट झाल्यामुळे आग लागण्याची घटना घडली असावी, असा प्राथमिक अंदाज व्यक्त करण्यात येत आहे.
साहाय्यक अधिकारी सुनील देसाई, हवालदार विठ्ठल परब, हवालदार फटू परब, जवान राजेश परब, अमोल परब, अमित सावळ मयूर नाईक, यशवंत नाईक यांनी चांगली कामगिरी करत आग विझविली.