वार्ताहर /नंदगड
गणेबैल प्राथमिक मराठी शाळेचा विद्यार्थी चैतन्य पुंडलिक मजगावकरने बेळगाव येथील जिल्हा क्रीडांगणावर झालेल्या जिल्हास्तरीय प्राथमिक शाळा क्रीडा स्पर्धेत उंच उडीमध्ये प्रथम क्रमांक मिळवला आहे. त्यामुळे त्याची राज्य पातळीवर निवड झाली आहे. गणेबैल प्राथमिक शाळेत क्रीडा शिक्षक व मैदान उपलब्ध नसतानाही या विद्यार्थ्याने उल्लेखनीय यश मिळविल्याबद्दल त्याचे विशेष अभिनंदन होत आहे. चैतन्य मजगावकरचा शाळेतील शिक्षकातर्फे मुख्याध्यापक एस. टी. पाटील यांनी सत्कार केला. यावेळी एसडीएमसी अध्यक्ष संदीप गुरव उपस्थित होते.